ડર

કોઈ ને કોઈ બહાનું શોધી,

મારામાં રોકાયા કરે...

આ ડર મને આમ ડરાવ્યા કરે..

ચાહુ ના ડરું હું...

શાને ડરવું મારે ! હિમ્મત છે ભારે...

કરી આ વિશ્વાસનો ઘાત 

ડર મારામાં મને જ હરાવ્યા કરે...

આ ડર સતત મને સતાવ્યા કરે....

તાર્કિક દલિલો ના હામ ભરે,

શાંત રહેવાનાં કોઈ તુક્કા ના કામ કરે,

ડર જ્યારે સામે આવે 

હૈયે જાણે કોઈ વાર કરે..

હારવું, ખોવું, જીવવું ને મરવું..

મળવું, છુટવુંને વિયોગને સહેવું...

પાર વગરની મુશ્કેલીનું આવવું...

કોઈનાં સાથ વગર એકાંકી તપવું...

અપાર કષ્ટને સહન કરીને જીવવું...

દુઃખ અને દર્દ સહિત મૃત્યુને પામવું...

બધું જ ડરામણું અહીં...

મોઘમ ઈશારે એવું કહ્યા કરે...

રચ્યો અભેદ ચક્રવ્યૂહ

'સહજ' એમાં ફસાઈ ટળવળે...

આ ડર કલ્પનાઓના રંગે બતાવે 

બિહામણું ચિત્ર કેવું !

ઉદાહરણ દ્વારા બતાવે એતો

થાય શું શું ને કેવું !

અનુભવ દ્વારા આપે જાણે 

ભાવિ હોય શકે કેવું !

આ ડર મને સતત 'જો અને તો ' ની રમતમાં,

ઊંધા માથે પછાડ્યા કરે..

પોતાનાં ભયાનક સ્વરૂપની 

નાની એવી ઝલકે 

આ ડર

આ ક્ષણમાં મને સતત 

મૂક્ત બની વિહરવાથી રોક્યા કરે.....

આ ડર મને સતત ડંખ્યા કરે..